Description

Datu-baseen irakasgai baten irakasle izanik (UPV/EHU), praktikatu eta ikasteko aukera emango zuten SQL ariketa konplexuen gabezia detektatu izan dugu bibliografian. Horregatik, hainbat ariketen bilketan arreta berezia jarri dugu. Ikasketa-material ona izan dela uste dugu, eta horregatik liburu honetan argitaratzen dugu. Liburua SQL ariketa konplexuagoenetan zentratzen da zuzenean. Domeinuetan nahiz kontsultak burutzeko erabilitako SQL egitura eta/edo eragiketetan aldaerak sartzen saiatu gara; eta zenbait kasutan enuntziatu batzuen artean desberdintasun finak eta era berean garrantzitsuak sartu ditugu. Horrela, ikasleak, edo edozein teknikari informatikok, nahi adina praktikatzeko aukera izango du eta zailtasun-maila desberdinei aurre egin ahal izango die. Gainera, batzuetan, ebazpide okerrak ere sartu dira, azalpenak emanez, aurretik egindako akatsetatik ere ikasten dela uste baitugu, asko ikasi ere. SQL kontsultak ebazten, "arkatza eta paper zuriari" aurre eginez eta enuntziatuan planteaturiko logikaren gainean hausnartuz ikasten dela uste dugu. Konputagailuaren aurrean "Proba eta errorea" teknika erabiltzea egokia denik ez dugu uste. Beraz, animo eta kontsultak ebazteari ekin!